Германы “Germanwings” компанийн онгоцны ослын газраас дүрс бичлэг бүхий гар утас илрүүлсэн тухай мэдээллийг Францын тал үгүйсгэжээ. Франц дахь Альпийн нуруунд осолдсон онгоцны ослын газраас гар утас олдсон тухай Германы хэвлэлүүдэд өгүүлснээр бол уг утсанд онгоц осолдохын яг өмнө болсон үйл явдал, зорчигчдын яриа, бүдэг дүрс бичигдсэн гэнэ. Хэрэв мэдээлэл батлагдсан бол онгоцон дотор байсан хүмүүс ослын өмнө хэрхэн сандарч байсныг харуулахаар байжээ. Инээдмийн баярын өдөр хэвлэл мэдээллийн хэрэгслүүдэд худал мэдээлэл олноор гардаг юм. Уг онгоц Испанийн Барселона хотоос хөөрснөөсөө хойш 35 минут орчмын дараа хэвийн өндрөөсөө доошилж, ахмад нь хаалгаа онгойлгохыг шаардан сүүлдээ эвдэхийг оролдож байсныг хоёр хар хайрцагны нэгнийх нь бичлэг илтгэсэн аж.