Хятадын эрх баригчид Умард Солонгосын залуу удирдагч Ким Чен Уныг ирэх есдүгээр сард болох Ялалтын баярт урьжээ. Хятадын Гадаад хэргийн яамны хэвлэлийн төлөөлөгч Хон Лей тус улс холбогдох бүх орны удирдагчдад ирэх есдүгээр сарын3-ны өдөр тэмдэглэх Японы түрэмгийллийн эсрэг дайнд ялсны70 жилийн ойн баярын ёслолд оролцох урилга илгээснийг дурдсан байна. Умард Солонгосын удирдагч энэ ёслолд оролцох эсэх нь албан ёсоор тодорхой болоогүй аж. Умард Солонгосын удирдагч ирэх сард Москва хотноо болох Ялалтын баярын ёслолд оролцохоор болсон юм.