Оросын Гадаад хэргийн сайд С.Лавров АНУ-ын төлөөлөөлөгчид Европын нэг оронд зөвлөлтийн дайчдад зориулсан хөшөө дурсгалыг буулгах ажлаа түргэтгэхийг шаардаж байгаа тухай “Спутник”, “Эхо Москвы”, “Говорит Москва” радио станцын төлөөлөлд ярилцлага өгөх үерээ мэдэгджээ. С.Лавров АНУ-ын тал Орос болон Европын холбооны харилцааг муутгахын тулд Украины хямралыг хэрхэн ашиглаж буй тухай ярихдаа энэ тухай дурдсан байна. Гэсэн хэдий ч аль орны тухай өгүүлснийг нь асуухад хариулаагаагүй аж. Европын орнуудад зөвлөлтийн Улаан армийн 2.5 сая дайчны шарилыг оршуулсан байдаг. Тэдний гавьяаг мөнхжүүлсэн хөшөө дурсгал Герман, Нидерланд, Норвеги, Финланд, Франц болон Зүүн Европын олон оронд байдаг. Үүнээс Польш, Чех, Болгарт эдгээр хөшөөг эвдэн сүйтгэх, амь үрэгдсэн дайчдын дурсгалыг гутаан доромжлох үйлдэл олон гардаг тул С.Лавров дээрх гурван орны нэгийг хэлсэн бололтой. Ийн хөшөө дурсгалтай тэмцэж буй нь тухайн ард түмний анхаарлыг бодит хүндрэл бэрхшээлээс хөндийрүүлэх, түүхэн ой санамжийг нь арчин хооронд нь талцуулснаар шинэ элитүүдийн эрх мэдлийг баталгаажуулах үүрэгтэйг Польшийн зарим судлаач өгүүлдэг. Үүнээс гадна Польшид Улаан армийн үйлдсэн гэмт хэргийн тоо, үр дагавар нацистийн Германыхаас хол давсан тухай зохиол туурвилыг олон улсын зарим сангаас гар таталгүй санхүүжүүлдэг аж.