Узбекстан улсад болсон Ази тивийн даамын аварга шалгаруулах тэмцээнд Монгол Улсаа төлөөлөн оролцсон есөн настай Чойдорын Дашпунцаг Ази тивийн аварга болжээ. Ч.Дашпунцагийн тэмцээнд оролцох замын зардалд нэг сая төгрөг дутаж, Монголынхоо ард түмнээс тусламж гуйж байсан. Тухайн үед хүүд сайхан сэтгэлтэй хүмүүс тусалж мөнгө хандивласнаар тэмцээнд явах боломжтой болж байсан юм. Одоогоор Монголын даамын холбооныхон эх орондоо ирээгүй байна. Монголын даамын холбооны зүгээс тамирчдыг зохион байгуулж тэмцээнд авч явах үүрэг хүлээсэн ч замын зардлыг нь тамирчид хувиасаа гаргажээ.