Сонирхогчдын боксын олимп, дэлхийн аварга шалгаруулах тэмцээний мөнгөн медальт Н.Төгсцогт мэргэжлийн боксын ринг дээр ээлжит тулаанаа ирэх сард хийхээр болжээ. Тэрбээр энэ тухайгаа фэйсбүүктээ мэдээлсэн байна. Н.Төгсцогт 2014 оны арваннэгдүгээр сараас мэргэжлийн боксын талбарт хүчээ сорихоор болсон. Улмаар 2015 оны гуравдугаар сараас хоёр ч тулаанд орж ялалт байгуулаад байна. Мэргэжлийн боксоор дэлхийд нэрээ дуурсгахаар АНУ-д бэлтгэл сургуулилтаа эрчимтэй хийж буй тэрбээр хэдхэн хоногийн өмнө эх орондоо ирээд буцжээ.