Монголчуудын хүүхдийг хүмүүжүүлэх уламжлалт арга ухаан өнөөдөр алдагдаад байгаа билээ. Кино театруудад гэмт хэрэг, хүчирхийлэл, секс, хар тамхины сэдэвтэй, ёс бус хэллэг бүхий хүүхдэд тохиромжгүй, буруу үлгэр дууриалал, сөрөг нөлөө үзүүлэх кино их гарах болсон. Иймээс “Номтой нөхөрлөе” клубийг үүсгэн байгуулагч тэргүүн Н.Хүлгэн эцэг, эхчүүдэд хандаж уриалга гаргаж, кино театрт шалгалт хийхийг МХЕГ-т хандаж, хүсэлт, шаардлага хүргүүллээ.Тус шаардлагадаа Олон улсад мөрдөж буй насны хязгаарлалт буюу Parental Control-ыг мөрдөж, холбогдох хууль, дүрэм, журмыг сахиж насанд хүрээгүй хүүхдэд ёс бус хэллэг, гэмт хэрэг, хүчирхийлэл, бүхий киноны тасалбарыг худалдаалахгүй байхыг анхааруулахыг сануулжээ. Мөн нийгмийн хариуцлагыг ухамсарлан залуу эцэг,эхчүүдийн үзвэр үзэх хугацаанд нь бага насны хүүхдүүдийг түр саатуулах төвийг байгуулахыг уриаллаа. 

Б.ЭРДЭНЭЦЭЦЭГ