Улсын баяр хаяанд ирж наадмын тухай яриа чих дэлсч эхэллээ. Энэ өдрүүдэд бөх сонирхогчдын дунд өрнөсөн нэгэн дуулиан бол наадамд зодоглох хоёр дархан аваргын хэн нь зүүний магнайд гарах талаарх яриа байв. Энэ талаар мэргэжлийн сүмогийн их аварга Д.Дагвадорж“Хоёр аваргыг сөргөлдүүлэх хэрэггүй. Бөхийн холбооны завхралаас болж дархан аваргуудад хэрүүлийн бузар шингэх нь. Тэдний хэн нь ч буруугүй. Цаг тухайд цолыг нь өгсөн бол өнөөдөр ийм маргаан гарахгүй байсан. Энэ бол миний хувийн бодол шүү” хэмээжээ.