Монгол Улсын Хөдөлмөрийн Баатар, Монгол Улсын Гавьяат Тамирчин, Мэргэжлийн Сүмо бөхийн 69 дахь их аварга Хакүхо Мөнхбатын Даваажаргал 35 дахь удаагаа түрүүлэн өчигдөр эх орондоо иржээ. Тэрбээр "Хөдөлмөрийн баатар" хэмээх эрхэм хүндтэй цолныхоо хүндэтгэлийн наадам хийхээр ийнхүү ирсэн байна. 

Маргааш энэхүү наадам болох бөгөөд хүчит 128 бөхийн барилдаан, Их нас болон дааганы уралдаан болох юм байна. Мөн түүний гэргий Саёоко Вадагийн санаачилгаар Төв аймгийн Эрүүл мэндийн газарт Иж бүрэн тоноглогдсон түргэн тусламжийн машин бэлэглэх ажээ. 

Их аваргатай хамт мэргэжлийн сүмогийн олон бөхчүүд ирсэн байна. Уг наадам маргааш Зуунмод хотноо болно.