“Хүрхрээ” үндэсний лиг үргэлжилнэ
- 2015-08-03
- Спорт
- 0
Монголын хөлбөмбөгийн холбоо /МХБХ/-ноос “Хүрхрээ үндэсний дээд лиг”-ийн хоёрдугаар тойргийн тоглолт эхлэх гэж байгаатай холбогдуулж, багуудын мэдүүлэг солилцооны талаар өнгөрсөн баасан гаригт мэдээлэл хийлээ. Тэмцээний нэгдүгээр тойрог энэ сарын 19-нд өндөрлөснөөр хоёрдугаар тойрог эхэлж байна. Тэмцээнд нийт есөн баг оролцох ба хоёр дугаар тойрогт багууд тамирчдаа солилцон тоглуулахаар болжээ. Энэ үеэр “Эрчим” клуб солилцоо хийгээгүй талаар дуулгав. Клубийн ахлах дасгалжуулагч Д.Батнасанг эрүүл мэндийн шалтгааны улмаас ахлах дасгалжуулагчийн ажлаас түр чөлөөлж, З.Баттулгыг түр хугацаанд томилсон.
Сэтгэгдэл (0)