Турк улс Крымийн хойгийг Орост нэгтгэснийг хэзээ ч зөвшөөрөхгүй гэдгийг Ерөнхийлөгч Р.Эрдоган Крымийн татаруудын дэлхийн конгрессийн гишүүдэд хандсан захидалдаа өгүүлжээ. Р.Эрдоган захидалдаа Крымийн татаруудыг түүхэндээ олон удаа хэлмэгдэж, нутаг заагдан хөөгдөж байсныг бичсэн аж. Тэдний хувьд эв нэгдэлтэй байх нь амжилтын үндэс болох ба Турк улс тус хойгийг Орост нэгтгэснийг хэзээ ч хүлээн зөвшөөрөхгүй гэдгээ мэдэгдсэн байна. Мөн Крымын татаруудын аюулгүй байдлыг хангах нь Туркийн эрх баригчдын гол зорилт тул цаашид ч гэсэн дэмжлэг үзүүлнэ хэмээн амлажээ. Өмнө нь Туркийн Гадаад хэргийн сайд Мевлют Чавушоглу Крым дэх татаруудын нөхцөл байдалд шүүмжлэлтэй хандаж буйгаа илэрхийлсэн юм.