Египетийн Ерөнхийлөгч Абдель Фаттах ас-Сиси Төлөөлөгчдийн танхимын хууль буюу парламентын тухай хуулийг баталжээ. Шинэ хууль тус улсын хууль тогтоох байгууллагын сонгуулийг зарлан явуулах боломж олгох юм. Парламентын сонгуулийг өнгөрсөн хавар явуулахаар төлөвлөж байсан ч хууль бэлэн бус байснаас хойшлогдсон байна. Египетэд улс төрийн хямрал гүнзгийрч, энэ байдлаас улс орноо гаргах тулд парламентын сонгууль явуулах чухал шаардлага байгаа юм.