Жүдо бөхийн дэлхийн аваргын түрүүг хамгийн олон удаа буюу долоон удаа хүртсэнээрээ дэлхийн түүхэн дээд амжилт тогтоосон, олимпийн аварга Тедди Ринер дэлхийн аваргын найм дахь медалиа хүртлээ. Тэрбээр +100 килограммын жинд Астанагийн дэвжээнд барилдсан юм. Мэдээж хэрэг Ринер жиндээ чансаагаараа дэлхийд тэргүүлсэн хэвээр. Тедди Ринер 1989 оны дөрөвдүгээр сарын 7-нд Францад төржээ. Харин эрэгтэйчүүдийн -100 кг-ын жинд барилдсан Олимпийн аварга Н.Түвшинбаяр шагналт VII байрт оров. Тэрбээр торгуулийн барилдаанд Бельгийн жүдоч Тома Никифоровтой барилдаж, вазари үнэлгээ алдсанаар хожигдлоо. Н.Түвшинбаяр энэ өдөр өнгөрсөн жилийн ДАШТ-ий мөнгөн медальт Кубын Жозе Арментерос, Сенегалын Бабоукар Мане, Шведийн Мартин Пасек нарыг хожиж шөвгийн наймд үлдсэн юм. Хэсгийн аваргын төлөө Германы жүдоч Карл-Ричард Фрейтэй барилдаж, нэмэлт цагт вазари үнэлгээгээр хожигдсон ч торгуулийн барилдаанд Бельгийн жүдоч Тома Никифоровыг дийлж чадсангүй.