Монголын бодибилдинг фитнессийн холбооноос зохион байгуулж буй “Монголын мистер 2015” бодибилдинг фитнессийн улсын аварга шалгаруулах тэмцээн маргааш Монгол бөхийн өргөөнд болно. Тус тэмцээнд үе үеийн мистер цолтнууд болон шинээр хүч түрэн гарч ирж буй шилдэг тамирчид 13 жингийн ангиллаар өрсөлдөж аваргуудаа тодруулах юм. Энэхүү тэмцээний медальт байрт шалгарсан тамирчид тив, дэлхийн аварга шалгаруулах тэмцээнд оролцох эрхээ авах ажээ.