фганистанд АНУ-ын Агаарын хүчний онгоц осолдсны хариуцлагыг "Талибан" хөдөлгөөн хүлээхээ мэдэгдсэн байна. 

Цэргийн тээврийн Hercules С-130 онгоц аравдугаар сарын нэгнээс 2-нд шилжих шөнө буюу урд шөнө Жалалабад дахь нисэх онгоцны буудалд осолдсон юм. Уг ослоор зургаан цэрэг, таван энгийн иргэн амь үрэгдсэн гэсэн урьдчилсан мэдээ байна. 

Мөн ослын газар дээр орон нутгийн гурван иргэд хохирчээ. Цэргийн тээврийн С-130 Hercules онгоцыг Ирак, Афганистан дахь цэргийн ажиллагаанд америкчууд өргөнөөр ашигладаг байна. Онгоцыг цэрэг болон томоохон ачаа тээвэрлэхэд ашиглаж байна.