Туркийн Ерөнхийлөгч Р.Эр­доган тус улс Оросоос шатдаг хий авдаг байдлыг эргэн харж болзошгүй тухай мэдэгдсэнийг NTV телевиз мэдээлжээ. Тэрбээр Оросын нисэх онгоц Туркийн агаарын орон зайд орсон үйл явдалтай холбоотойгоор Оростой харилцаа хурцадсанаас Оросын зураг төслөөр “Аккую” цөмийн цахилгаан станц бариулахгүй байж болзошгүйг өгүүлсэн байна. Өмнө нь Оросын тал цаг агаарын таагүй нөхцлөөс болж, байлдааны онгоцных нь байрлал тогтоох системд санаандгүй алдаа гарснаас хэдэн секундын хугацаанд Туркийн агаарын хилийг зөрчсөнийг мэдээлж, ийм хэрэг дахин гарахгүй гэдгийг мэдэгдсэн юм.