Беларусийн Ерөнхийлөгчийн ээлжит сонгуульд А.Лукашенко сонгогчдын 83.49 хувийн санал авч илт давуугаар ялалт байгуулжээ. Мөн “Бүх нэр дэвшигчийн эсрэг” гэсэн заалтыг санал өгсөн нийт сонгогчдын 6.4 хувь дугуйлсан бол Минск хотноо 20.6 хувь нь ийм санал өгсөн байна. Нэр дэвшигчдээс “Говори правду” хөдөлгөөний тэргүүн Татьяна Короткевич4.4 хувийн саналаар удаалсан ч гол нэр дэвшигчээс 20 дахин цөөн санал авчээ. Мөн Либерал ардчилсан намын тэргүүн Сергей Гайдукевич 3.32, Беларусийн эх оронч намын тэргүүн Николай Улахович 1.67 хувийн санал тус тус авсан байна. Беларусийн сонгуулийн хорооны мэдээллээс үзэхэд сонгогчдын 87.2 хувь нь саналаа өгсөн ба эцсийн дүнг ирэх баасан гаригт зарлах гэнэ.

Д.Болд