Хятад улс 2020 он гэхэд эрчим хүчнээс ялгаруулдаг агаарын бохирдлыг 60 хувиар бууруулна гэдгийг тус улсын Засгийн газраас мэдэгджээ. Тухайлбал, нүүрсээр ажилладаг цахилгаан станцуудын ялгаруулдаг нүүрсхүчлийн давхар ислийн хийг 2020 он гэхэд 180 сая тонноор бууруулахаар төлөвлөснийг Засгийн газрын албан ёсны мэдэгдэлд дурдсаныг “Ройтерс” агентлагаас мэдээлсэн байна. Хятадад цахилгаан станцуудын нүүрсний хэрэглээ 2020 он гэхэд дээд хэмжээндээ хүрч, цаашид буурна гэсэн таамгийг тус улсын судлаачдын баг өнгөрсөн сард танилцуулсан аж. Харин Европын холбооны албаны эх сурвалжууд “Хятадын эрх баригчдын мэдэгдэлд харьцуулах тоо баримт байхгүй, хүлэмжийн хий ялгаруулах тухай гэхээсээ илүү агаар бохирдуулагч эх үүсвэрийн тухай өгүүлжээ” хэмээн дүгнэжээ. Хятадын нийслэл Бээжин хотноо өнгөрсөн долоо хоногт агаарын бохирдол “улбар шар” буюу түгшүүрийн хоёр дахь төвшинд хүрснээс олон үйлдвэр, хурдны зам, барилгын ажлыг зогсоож, иргэдийг аль болох гэрээсээ гарахгүй байх санамж тараасан байна. Хятадын хойт хэсэгт өвлийн улиралд их хэмжээний нүүрс түлж, салхигүй тогтуун байгаагаас утаа нь сарнихгүй өтгөн манан үүссэн. Үүнийг Хятадын Хүрээлэн буй орчныг хамгаалах яамнаас “таагүй” цаг агаараас болсон хэмээн тайлбарласан байна. Хятад улс хүлэмжийн хий ял­ гаруулах хэмжээг бууруулна гэсэн амлалтаа биелүүлэхийн тулд тус орон нүүрсний хэрэглээгээ бууруулж, эрчим хүчний үйлд­ вэрлэлд экологийн цэвэр эх үүс вэрийг түлхүү хөгжүүлэх шаардлага тулгарна. Мөн эрчим хүч ний үйлдвэрлэлд нүүрсний эзлэх хувь хэмжээг 60 хувь болтол бууруулах үүрэг хүлээж, чанар муутай нүүрс хэрэглэхийг хоригложээ. Ерөнхий сайд Ли Кецян эрчим хүчний салбарын үр ашгийн босгыг нэг киловатт/ цаг цахилгаан үйлдвэрлэхэд 310 гр нүүрснээс дээшгүй байхаар заасныг Засгийн газрын нь веб сайтад дурджээ. Харин 2015 оны эхний 10 сарын дундаж үзүүлэлт 318 гр байсныг албан ёсны тоо баримтад дурдсан аж. Хятадын Засгийн газраас энэ зорилтод хүрэхийн тулд компаниудыг үйлдвэрлэлээ шинэчлэхэд нь хөнгөлөлтэй зээл, санхүүгийн дэмжлэг үзүүлэхээ мэдэгдсэн байна. Мөн зайлшгүй шаардлагатай нэмэлт төхөөрөмж суурилуулсан компаниудад татаас өгч эхэлсэн аж. Парис дахь уур амьсгалын өөрчлөлтийн тухай уулзалтад оролцсон Хятадын төлөөлөгч Су Вей баян чинээлэг орнууд хүлэмжийн хий ялгаруулах хэмжээг бууруулж, хөгжиж буй орнуудын ачааг хөнгөлөх талаар дорвитой үүрэг хүлээхгүй байна гэсэн байр сууриа илэрхийлжээ. Харин барууны мэргэжилтнүүд Хятадад нүүрс ашигладаг цахил­ гаан станцууд үр ашиг багатай ажилладгийг өгүүлдэг. Тухайлбал, энэ онд ашиглалтын үзүүлэлт найман хувиар буурахын зэрэгцээ илүүдэл хүчин чадлын хэмжээ 130 гВт буюу нийт сал барын хүчин чадлын 14 хувьд хүрсэн аж. Хуучирсан үйлд вэрлэлийг хаахын хажуугаар орон нутгийн удирдлагууд эрчим хүчний шинэ эх үүсвэр ашиглалтад оруулах шийдвэр гаргаж буй нь байдлыг засах боломж олгохгүй гэнэ.

Д.Мөнхболд