Бидний мэдэхээр дуучин Нара буюу М.Нарантуяа энэ оны сонгуульд бие даан нэр дэвшихээ олон нийтэд зарлаад удсан. Тэгвэл саяхан Smart tv-ийн “15 роунд” гэх нэвтрүүлэгийн анхны зочин болж оролцон нэвтрүүлгийг орхин гарсан нь олныг шуугиулсан асуудал болсон хэдий ч үзэгч олны таашаалаар бол Нарагийн зөв байсан.

Тэгвэл энэ нэвтрүүлгийн хоёр дахь зочиноор БНН-ын дарга Б.Жаргалсайхан оролцсон. Тэрбээр нэвтрүүлэгт оролцохдоо анхны оролцогчын талаар сэтгэгдлээ хэлж, олны хэл амны бай болсон сэтгүүлчтэй нэлээд ам зөрөөд амжсан.

Нэвтрүүлгийн дараагаар дуучин Нара өөрийн фэйсбүүк хуудаснаа “Хүнд эх орноо гэсэн сэтгэл зүрх, жудаг байхад бусад нь болно оо”. “Буян”-гийн Жагаа ах ямар гоё хэлэв ээ. Ямар ч эмэгтэй хүнийг хүний өөрийн гэж ялгалгүй, өнгөрсөн ирээдүй нь хамаагүй, харин эмэгтэй хүн гэдгээр нь хүндэлдэг, цээжиндээ зүрхтэй хүнийг жинхэнэ эр хүн гэнэ… Тэр хүн бол Жагаа ах байна” хэмээн талархсан сэтгэлээ илэрхийлсэн нь мөн л олны анхаарлыг татаад байна.

Эмэгтэй хүнийг эмэгтэй хүн гэдэг үүднээс хүндэтгэлтэй хандах ёстойг Б.Жаргалсайхан санууллаа.