Ардчилсан намаас АНУ-ын Ерөнхийлөгчийн сонгуульд нэр дэвших эрхийн төлөөх намын сунгаанд Хиллари Клин тон намынхаа бусад нэр дэвшигчээс олон санал авч байна. Тэрбээр өнгөрсөн мягмар гаригт болсон их сунгаанд ялалт байгуулж, намынхаа өрсөлдөгчдийг тэргүүлэх болов. Хиллари Клинтон Мэриленд, Пенсильвани, Делавер, Коннектикутад болсон сунгаанд ялжээ. Харин Род Айленд мужид түүний гол өрсөлдөгч, сенатын гишүүн Берни Сандерс ялалт байгуулжээ. Хамгийн сүүлийн сунгаа болсон мужуудад ажиллахдаа хатагтай Клинтон Ардчилсан намын гишүүд дэмжигчиддээ түүний төлөө саналаа өгч, нэгдсэн нэр дэвшигчийг сонгоход уриалж байжээ.