Бельгийн нийслэл Брюссель хотын олон улсын нисэх буудлын нислэгийн танхим үйл ажиллагаагаа сэргээсэн ч одоогоор ажлын горимдоо бүрэн шилжээгүй байна. Алан хядагчдын үйлдсэн халдлагад нисэх буудлын нислэгийн хүлээлгийн танхим өртсөн билээ. Нислэгийн хүлээлгийн танхимын үйл ажиллагааг нь сэргээсэн ч зорчигчдын бүртгэлд хүндрэл учирч улмаар нислэгүүд саатахад хүрчээ. Тиймээс зарим зорчигч нислэгээсээ хоцорч, гомдол мэдүүлсэн байна. Нисэх буудлын удирдлагууд үйлчлүүлэгч, зорчигчдод хандан нислэгээс гурван цагийн өмнө ирж, бүртгэлээ хийлгүүлэхийг зөвлөжээ.