“Айплмүүн”, “Хаан сүү” ХХК-ийн бүтээгдэхүүн нийлүүлэлтийг зогсоожээ
- 2016-05-06
- Нийгэм
- 0
Чингэлтэй дүүргийн 61 дүгээр дунд сургуулийн сурагчид “Үдийн цай”-нд хордож, ХӨСҮТ-д дөрвөн сурагч хэвтэн эмчлүүлж байгаа юм. Тэгвэл тус сургуульд “Үдийн цай” нийлүүлдэг “Айплмүүн”, “Хаан сүү” ХХК-ийн хүнсний үйлдвэрийн бүтээгдэхүүний нийлүүлэлтийг түр хугацаагаар зогсоожээ. “Үдийн цай” хөтөлбөрийг 61 дүгээр сургууль дээрх компаниудтай гэрээ байгуулан үйлдвэрээс өдөр тутам нийлүүлж байжээ. Үдийн цайны бүтээгдэхүүнд нийлүүлсэн “Айплмүүн” ХХК-ийн жимст боов, “Хаан сүү” ХХК-ийн жимсний жүүс, нэг удаагийн соруул, сургуулийн хэрэглээний ус, мөн үйлдвэрүүдийн хүнсний түүхий эд, бүтээгдэхүүнээс дээж авч НМХГ-т шинжлүүлэхээр хүргүүлсэн байна. Тиймээс тус компаниудад НМХГ, ХӨСҮТ хамтран тандалт, хяналтыг хийж байгаа бөгөөд лабораторийн шинжилгээний хариуг эцэслэн гартал дээрх үйлдвэрийн “Үдийн цай”-ны нийлүүлэлтийг түр хугацаагаар зогсоолоо.
М.Энх
Сэтгэгдэл (0)