2021 он гэхэд элэгний С вирусыг устгана

 

Өнгөрсөн дөрвөн жилд эрүүл мэндийн салбар бүхэлдээ уналтад орсон. Дэлхийн эрүүл мэндийн байгууллагаас Монголд устаж үгүй болох өвчний жагсаалтад оруулсан Улаанбурхан өвчин дэгдэж, сандруулав. Гэвч эрх баригчид сандал ширээтэйгээ зууралдсан хэвээр байлаа. 2012 онтой харьцуулахад халдварт өвчний тархалт 60 гаруй хувиар өссөн гэх судалгаа бий. АН-ынхан улсын клиникийн 1, 2, 3 дугаар эмнэлэг, Халдварт, Хавдрын гэх мэт эмнэлгийг хувьчлах бодлого дэвшүүлснийг Монгол Ардын нам зогсоосон билээ.  Улаанбаатарын төрөх эмнэлгийн ачаалал гурав дахин нэмэгдэж, амаржсан эх 24 цагийн дараа эмнэлгээс гарах байдалд хүрч байна.Тэгвэл энэ байдлыг засахаар МАН мөрийн хөтөлбөрөө боловсруулжээ. Тодруулбал, МАН-ын мөрийн хөтөлбөрт эрүүл мэндийн салбарын санхүүжилтийг хоёр дахин нэмэгдүүлнэ. Хувийн эмнэлгээр үйлчлүүлэхэд Эрүүл мэндийн даатгалаас хөнгөлөх хэмжээг нэмэгдүүлж, ард иргэдэд учрах төлбөрийн дарамтыг багасгахаар тусгажээ. Түүнчлэн  Элэгний хорт хавдраар өвчлөгсдийн тоог бууруулах, элэгний С вирусын голомтыг 2021 он гэхэд устгах,  халдварын тархалтыг зогсоох "Элэг бүтэн Монгол" хөтөлбөр хэрэгжүүлэх ажээ. Дөрвөн цагийн урсгалд элэгдэж явдаг малчдынхаа эрүүл мэндэд анхаарал хандуулж, эрүүл мэндийн үйлчилгээ, шинжилгээнд тогтмол хамруулах "Элэг бүтэн Монгол" хөтөлбөр хэрэгжүүлэхээр МАН мөрийн хөтөлбөртөө заажээ.  Түүнээс гадна нийтийн бие тамир,  иог, бясалгал,  фитнессээр хичээллэх  өвчнөөс урьдчилан сэргийлэх үйл ажиллагааг Эрүүл мэндийн даатгалын сангаас урамшуулна. Спортыг дэмжих сан байгуулж, спортыг төрийн ивээлд байлгах юм байна.

 

Ц.Анир

Эх сурвалж: Тоншуул.мн http://www.zaluu.com/read/74f6g5cc

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. 

Сэтгэгдэл (1)

  • Багш (202.179.24.222)

    2016-06-21

    Элэгний С вирусийг 2015 оны 12 сараас эхлэн устгахэмчилгээ эхэлсэн шүү дээ Тэгээд 2020 он гэхэд манай улс С вирусгүй болно гээд байгаа шүү дээ. Үүнийг шинээр хийх гэж байгаа юм шиг бичсэн байна.Би л гэхэд Хармони эмийг 3 сар уугаад элэг маань С вирусгүй болсон байгаа