Засгийн газраас гаргасан шийдвэрийн дагуу иргэд энэ сарын 13-наас эхлэн “Эрдэнэс Тавантолгой” ХХК-ийн 1072 ширхэг хувьцааны 30 хувийг төр иргэдээсээ 300 мянган төгрөгөөр худалдан авч эхэлсэн. Тэгвэл энэхүү хувьцааны мөнгөний эхний ээлжийн 100 мянган төгрөг өнөөдрөөс эхлэн иргэдийн дансанд орж эхлээд байна. 
Улсын хэмжээнд хувьцаагаа худалдах эрхтэй 1.657.000 иргэн байгаагаас өнгөрсөн баасан гарагийн байдлаар 650 мянган иргэн банкинд хүсэлтээ гаргаад байгаа аж. 

Дашрамд дуулгахад, хувьцааныхаа 30 хувийг худалдах иргэд дурын арилжааны банкинд хандан, тодорхой маягт бөглөх замаар хүсэлтээ гаргах шаардлагатай. 

О.Анар