"Рио-2016" олимпийн наадамд оролцох баг тамирчид анх удаагаа тусгай зориулалтын “Team Mongolia” автобустай болжээ. Тус автобус нь 45 хүний суудалтай бөгөөд тамирчдаа онгоцны буудлаас тосох, бэлтгэлийн төв болон Олимпийн тосгонд хүргэж өгөх, авах зэргээр үйлчлэх аж.

Автобусны чимэглэлийн загварыг "Монгол Шуудан" ХК-ийн зураач Ч.Бат-Эрдэнэ, дизайнер Ж.Ганхуяг, маркийн мэргэжилтэн Т.Адьяадорж нар үнэ төлбөргүйгээр урлан өгч баг тамирчдаа дэмжжээ. Мөн үүнээс гадна монголын шигшээ багийнхан “Team Mongolia”  брэндийн хувцас болон олимпийн тусгай логотой болоод байгаа билээ.

Монголын баг ирэх сарын 05-21-ний өдрүүдэд үргэлжлэх Бразил улсын Рио Де Жанейро хотноо эхлэх зуны олимпод түүхэндээ байгаагүй өргөн бүрэлдэхүүнтэй оролцож байгаа юм. Тодруулбал, Монгол улсаас энэ жил “Рио-2016”-д 42, парамлимд 8 тамирчин оролцож байна. 

О.Заяа