Манай улс энэ хавар 8000 орчим тонн ноолуур бэлтгэжээ. Ноолуурын улирал эхлэхэд тн тутамдаа 48 мянган төгрөгийн ханштай байсан дээрх түүхий эдийн үнэ зургаадугаар сарын дундуур 60 мянгад хүрсэн нь энэ жилийн дээд хэмжээ байлаа. Үүнд урд хөршийн наймаачид олноор ирж, арилжаа хийсэн нь нөлөөлсөн гэж салбарын яамны мэргэжилтэн хэлж байна. Тэдэнтэй уралдан дотоодын үйлдвэрлэгчид ч худалдан авалт хийж, “Говь” компани дангаараа 450 тонн ноолуурыг татан авчээ. Хөдөө аж ахуйн биржээр дамжуулан оны эхний хагаст 5400 тонн ноолуурыг 3.1 тэрбум төгрөгөөр арилжсан байна.