Өчигдөр буюу наймдугаар сарын 22-ны өдөр Хөвсгөл аймгийн Хатгал сум орчимд ‪цас оржээ. Хатгал сум, Хөвсгөл нуурын орчимд ийнхүү цас орсон нь, өвөлжилтийн бэлтгэлээ яаралтай амжуулахыг сануулж байна.

Цаг уурын байгууллагаас мэдээлснээр ойрын өдрүүдэд ихэнх нутгаар сэрүүсч, хур тунадас орох аж. Тодруулбал,  24-нд төв, говь, зүүн аймгуудын нутгаар, 25-нд төв, зүүн аймгуудын нутгаар, 26-нд нутгийн зүүн хэсгээр бороо, уулархаг нутгаар хур тунадас орно. Салхи 24-нд говь, талын нутгаар түр зуур 16-18 м/с хүрч ширүүсэх төлөвтэй байна.