Б.Баяраа: Эсэргүүцлээ нүцгэлж илэрхийлэхээс өөр аргагүй байлаа

 

-Сайн явж ирэв үү, та?

 

-Сайн. Риогийн олимпын наадамд Монголын тамирчид амжилттай оролцоод ирлээ.

 

-Г.Мандахнарангийн хүрэл медалийн төлөөх барилдааны шүүлтэд ямар бодол, байр суурьтай байна вэ?

 

-Хүн төрөлхтний спортын хамгийн том наадам бол олимп билээ. Олимп маань өөрөө “хүн төрөлхтний эв нэгдэл” гэсэн уриатай байдаг. Үүнийхээ дагуу шүүгч, тамирчид ч гэсэн эв нэгдлийн төлөө тангараг өргөж олимпын их наадамд оролцдог. Гэтэл энэ удаагийн олимпод маш бүдүүлэг, дэлхий нийтийн анхаарлыг татсан, олон түмнийг бухимдуулсан буруу шүүлт удаа дараа боллоо. Үүний хамгийн тод жишээ бол Узбекистаны бөх Ихтиёр Наврузов олимпын их наадамд эхний даваанаас авахуулаад Бахрайны бөх Адам Батэйревийг шүүгч нарын тусламжтай луйвардаж хожсон. Хоёрдугаар тойрогт ч мөн адил шүүгчийн тусламжтай ялсан. Манай тамирчныг ч луйвардсан. Манай бөх эцсийн мөч хүртэл барилдааныг хошуучилсан. Дээр нь барилдааны идэвх, техник тактикийн үзүүлэлтээр илүү байсан.

 

-Манай тамирчны сэтгэл хөдлөлөө илэрхийлсэн байдал шүүлтэд нөлөөлчихөв үү дээ?

 

-Спорт сэтгэл хөдлөл, гоо зүй, үзэгчидтэй харилцах харилцаа гээд олон зүйлээс бүрддэг. Тамирчин үзэгчидтэйгээ баяраа хуваалцаж л байдаг шүү дээ. Дугуйгаар явж байгаа хүн барианд орохоосоо өмнө үзэгчидтэй баяраа хуваалцаж л байдаг. Хүндийн өргөлтийн тамирчин ч нүүр царай, бүхий л байдлаараа сэтгэл хөдлөлөө илэрхийлдэг. Үүнийг л шүүгч нар идэвхгүй гэсэн байдалтай ялгаж салгах ёстой байсан.

 

-Шүүгчид оноогоор торгохоосоо өмнө сануулга өгөх ёстой байсан уу. Дасгалжуулагчдын эсэргүүцлийг гаднын хэвлэлүүд онцолсон. Яагаад нүцгэлж эсэргүүлээ илэрхийлсэн бэ?

 

-Бид барилдааны бичлэгийг нарийвчлан үзэхэд 5 минут 55 секунд хүртэл манай тамирчин Ихтиёр Наврузовын довтолгоог идэвхтэй хамгаалж, хариу мэх хийж барилдааныг үргэлжлүүлж байсан. 56- 59 дэх сэкундэд нуруугаа харуулалгүй өрсөлдөгчийнхөө нүүр рүү улаан халз хараад гараа өргөж баярласнаа илэрхийлж, өрсөлдөгч бөхийнхөө мэх хийх аюултай зайнаас тодорхой хэмжээгээр зайлсан. Үүн дээр дэвжээний шүүгч оноо торгуул гэсэн байдлыг таван минут 58 секундэд үзүүлсэн. Ер нь бол чөлөөт бөхийн дүрэмд дэвжээний шүүгч санал үзүүлээд дэвжээ ахалж байгаа шүүгч хажуугийн шүүгч, гурвуулаа санал нэгдсэн тохиолдолд барилдааныг зогсоогоод тамирчинд сануулга өгөөд сануулсныхаа дараа л торгох бүрэн эрхтэй. Гэтэл сануулга өгөөгүй. Ер нь шүүгч тамирчныг торгох эрхийн хугацаа нь барилдааны нийт зургаан минутын дотор л байдаг. Шүүгчид эхлээд манай бөхөд ялалт өгсөн. Бид бүхэн ялалтаа тэмдэглэж байх хоромд шүүгчийн шийдвэр өөрчлөгдсөн. Энэ үүссэн байдал бид бүхнийг төдийгүй дэлхий дахины олон хүнийг цочирдуулсан. Энэ маш бүдүүлэг явдал байлаа. Энэ шийдвэр маш өндөр хэмжээний баяр баясгаланг богинохон хугацаанд маш их гуниг гутрал, бухимдал болгосон. Бидний гол харлаж, маш хэцүү байсан. Олимпын дэвжээн дээр эсэргүүцэл үзүүлэхдээ бид хүнийг үгээр доромжилж, зодоон хийж, ямар нэгэн юм шидэж, цохиж эвдэлж хэмхэлж болохгүй. Тэгээд бид эсэргүүцлээ нүцгэлж илэрхийлэхээс өөр аргагүй байлаа. Энэ эсэргүүцэл бол дэлхий нийтийн спортод нүүрлэж байгаа бүх шударга бус булхайтай шүүлтийн эсрэг байсан. Ер нь анх удаа зоригтойгоор эсэргүүцлээ илэрхийлж байгаа тохиолдол болсон. Энэ нь хойч үед маань асар их хэрэгтэй зүйл болсон гэж гаднынхан биднийг дэмжиж байна.

 

-Цаашид ямар арга хэмжээ авах бол?

 

-Олимпыг шүүж байгаа ерөнхий шүүгчид “Барилдааны шүүлтийг манай баг зөвшөөрөхгүй байна. Маш алдаатай шийдвэр гаргалаа” гэж албан ёсоор бичгээр өргөдөл өгсөн байгаа.

 

Эх сурвалж: МОНГОЛЫН ҮНЭН сонин

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. 

Сэтгэгдэл (5)

  • гхжхжыхыжа (124.158.112.2)

    2016-08-29

    Энэ бол монголчуудын явсан газраа гаргадаг хүлээцгүй, тэвчээргүй зангийн илрэл, автын хөдөлгөөнд ороод гэрлэн дохио хүлээж чадахгүй, банкны АТМд очер хүлээж чадахгүй, барилдаанд цагаа хүлээж чадахгүй, дор бүрнээ бодоцгооё. Энэ бол монгол хүн бүрийн дутагдал.

  • (103.194.176.5)

    2016-08-29

    БАРИЛДААНЫ ЦАГ БОЛ ЦАГ, ҮҮНД ТАМРИЧНЫХАА СЭТГЭЛ ЗҮЙГ БЭЛДСЭН БОЛ ИЙМ ЮМ БОЛОХГҮЙ БАЙСАН

  • Болоод өнгөрсөн зүйл (202.131.238.115)

    2016-08-29

    Одоо нэгэнт болоод өнгөрсөн асуудал. Хүн бүр л хүрэл медаль авчихаасай гээд дэмжиж байсан. Тэр хүсэл мөрөөдөл чинь талаар болоход учраа мэдэхгүй амтай бүхэн сошиал ертөнцөд луйвардлаа, илтэд манайх ялсан, шүүгч нар авилга авсан байна гэх мэт Мандахнарангийн талд байр сууриа илэрхийлж байсан. Одоо нэг их сахилга, хариуцлага, Монгол улсын буруу гэх мэт үндэслэл бүхий шүүмжүүд урсаад гараад ирэхээр тэр дүрэм журмыг нь өөрийн нүдээр уншиж ч үзээгүй юм байж Мандахнарангийн буруу, 2 шүүгчийн буруу гэх мэт авирлаад юугаа хийдэг байнаа. Нэг талдаа багтаж шингэж чаддаггүй чацга царайлж явдаг нөхдүүд бол дуугай амаа хамхиад кэйбордоо нүдэхээ боль

  • irgen (202.9.40.182)

    2016-08-29

    tsag duusahad 1,2 sekunt dutuu ni hamaagui tsagaa duusgaal bayarlah yostoi,ursuldugch buh huleen zuvshuuruud buuj ugsun bol hamaa alga

  • зочин (112.72.12.1)

    2016-08-29

    Олимп дэлхийн дэвжээнд тийм үйлдэл гаргаж болох уу үгүй юу? гэдэг нь бодох л асуудал шүү дээ.Олон улсад мөрдөж буй дүрэм журмаа сайн мэдэж байх нь дасгалжуулагчдын үүрэг хариуцлага байх ёстой.Тамирчнаа ялалт авчирхад дэвжээн дээр үсрээд гарч ирж байгаа дасгалжуулагчид ховор л байсан байх шүү.