Монголын үндэсний циркийн СТА Ц.Пүрэвжаргал ахлагчтай  "PUJE & GUYS" хамтлагийн уран бүтээлчид Герман улсын Кассель хотод  зохиогдсон Флик Флак циркийн  найм дахь удаагийн олон улсын циркчдийн тэмцээнээс "Хүрэл цом" хүртсэн амжилт гаргалаа.

Мөн өнгөрсөн жил тус хамтлагийнхан Францад болсон "Massy" олон улсын циркчдийн тэмцээнээс алтан цом, Монголын залуу циркчдийн анхдугаар наадмын гран приг хүртэж байсан амжилтуудыг гаргасан билээ.

Олон улсын түвшинд улс орныхоо нэрийг өндөрт гаргаж буй уран бүтээлчиддээ цаашдын ажилд нь өндрөөс өндөр амжилт хүсэн ерөөе.