Нийгмийн даатгалын тухай хууль тогтоомжийн мэдлэг олгох сургалт зохион байгууллаа

 

Нийгмийн даатгалын тухай хуулийн мэдлэг олгох, нийгмийн даатгалын багц хуулийн хэрэгжилтийг ханган ажиллах чиглэлд мэргэжил арга зүйн дэмжлэг үзүүлэх зорилготой сургалтыг  Эрүүл мэнд, нийгмийн даатгалын ерөнхий газраас энэ сарын 12-ны өдөр зохион байгууллаа.

 

Сургалтад Нийслэл, дүүргийн эрүүл мэнд, нийгмийн даатгалын газар, хэлтсийн 50 гаруй ажилтан албан хаагчид хамрагдаж, батламж гардан авсан юм.

 

Монгол улсын нийгмийн хамгааллын тогтолцоо сэдвээр Хөдөлмөр нийгмийн хамгааллын яамны ахлах мэргэжилтэн Б.Батжаргал, Нийгмийн хамгааллын салбарын гадаад хамтын ажиллагаа, олон улсын гэрээ хэлэлцээр, хэрэгжиж буй төсөл хөтөлбөрүүдийн талаар тус яамны Гадаад хамтын ажиллагааны хэлтсийн дарга Ц.Арилдийпүрэв мэдээлэл хийлээ. Түүнчлэн Төрийн албаны зөвлөлөөс мэдээлэл хийж, сонирхсон асуултанд хариулт өглөө.

 

Мөн нийгмийн даатгалын үйлчилгээний талаар Эрүүл мэнд, нийгмийн даатгалын ерөнхий газрын холбогдох хэлтсийн дарга нар болон ахлах мэргэжилтнүүд мэдээлэл хийсэн юм.

 

Сургалтанд хамрагдсан ажилтан албан хаагчдад Эрүүл мэнд, нийгмийн даатганын ерөнхий газрын Тамгын газрын дарга Батхуяг батламж гардуулж, 2017 оныг Эерэг хандлага-Чанартай үйлчилгээний жил болгон зарласантай холбогдуулан нийгмийн даатгалын үйлчилгээг ажил олгогч, даатгуулагчдад чанартай, түргэн шуурхай үзүүлж, үйлчилгээний соёлыг дээшлүүлж ажиллахыг үүрэг болгож, ажилд нь амжилт хүслээ гэж нийслэлийн Эрүүл мэнд, нийгмийн даатгалын газраас мэдээллээ.

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. 

Сэтгэгдэл (0)