Зэвсэгт хүчний нэгдсэн эмнэлэг буюу Зэвсэгт хүчний 029 дүгээр анги олны нэрлэж заншсанаар Цэргийн госпитальд өнгөрсөн долоо хоногт гал гарчээ.

Тус эмнэлгийн шинэ барилгад үйл ажиллагаа явуулдаг Дотрын тасагт гал гарснаас үүдэн эмч өвчтөн олон хүн угаарын хийнд хордсон ажээ. Гэхдээ хүний амь нас хохироогүй, өвчтөнүүдийг яаралтай нүүлгэн шилжүүлсэн байна. Гал гарсан шалтгаан нөхцлийг онцгой байдлын галын шинжээчид тодруулахаар ажиллаж байна.