Шведийн Гётёборг хотын өндөр настнуудын асрамжийн газрын ажилтнууд нэгэн судалгааны ажил хийжээ. Энэхүү судалгаагаар ажлын зургаан цаг нь ажилтан, ажилчдад хамгийн сайнаар тусдаг болохыг олж тогтоосон байна. 23 сарын турш 70 ажилтан ажлын зургаан цагаар ажилласан байна. Гэхдээ авдаг цалинд нь өөрчлөлт ороогүй аж. Энэ хугацаанд ажилчдын өвдөх, акт авах нь 10 хувиар багасч, ахмадуудад зориулсан шинэ, нэмэлт арга хэмжээнүүдийг санаачилж хийх нь 85 хувиар ихэссэн байна. Гэхдээ энэхүү туршилт ажилтнуудад сайнаар туссан ч, ажил олгогчдод хүндрэлтэй байсан гэнэ. Ажлын цагийн зөрүүг нөхөх гэж ажилчид нэмж авснаар цалингийн болон бусад нэмэлт зардал ихээр гарсан байна.