Mobile хувилбар

Эх орондоо, аав ээждээ иргээд ирээч Монголчууд минь

2017 оны 3 сарын 20

 

        Эх орондоо, ээж аавдаа, элгэн садандаа, гэр орондоо иргээд ирээч монголчууд минь. Ийнхүү тэрлэх болсон нь Өнгөрсөн долоо хоногт  БНСУ-аас Монгол Улсад суугаа ЭСЯ, Элчин сайдын зөвлөх  И Жэ Юу сэтгүүлчдэд байнгын визгүй зорчигчдын хилээр нэвтрэх зөвшөөрлийг цуцлах гэх мэт зарим асуудлаар мэдээлэл өгсөн юм аа. Энэхүү мэдээлэл дундаас  Солонгос улсад харлах буюу хууль бусаар оршин суугчдынхаа тоогоор монголчууд эхний гуравт жагсдаг талаар хэлсэн нь сэтгэл шимшрүүлэв.

 

Тоон баримтаар дурдвал, 2016 оны арваннэгдүгээр сард виз авсан хүмүүсээс 211 нь харлаж үлдсэн бол арванхоёрдугаар сард 213, энэ оны нэгдүгээр сард 221 хүн хууль бусаар оршин суухаар үлджээ. Гадаадын бусад улс орнуудтай харьцуулахад хүн ам цөөтэй Монгол Улс хууль бус оршин суугчдынхаа тоогоор тэргүүлж байгааг Элчин сайдын зөвлөх онцгойлон сануулсан билээ. Бид гурван саяулаа. Гэтэл хөдөлмөр эрхлэхээр, аж амьдралаа авч явахаар харийн орныг зорьж байгаа байгаа тэднийгээ буруутгах юун.

 

 Гэхдээ хаана ч ажил, амьдрал өрнөж байдаг. Хүн бүр  амьдралынхаа төлөө зүтгэж, сайн сайхан явахыг хүснэ. Хэдий тийм ч харийн оронд баригдах вий, нутаг буцах вий хэмээн айж амьдарч явснаас хавь илүү дээр шүү дээ. Аав ээж шиг, эх нутаг шиг, өөрийн гэр орон шиг зөөлөн хөрс хаана байх юм бэ. Өөрийн хүсэлтээр эх орондоо ирвэл,  иргэж Солонгос явах, зорчих эрх ч нээлттэй байх юм байна.  Хууль бусаар амьдарч байгаа иргэдэд зориулсан чихэнд чимэгтэй аятайхан Тодруулбал,  Солонгост хууль бусаар аж төрж буй иргэдийг эх орондоо сайн дураар ирвэл хариуцлага шийтгэлээс чөлөөлөх ивээл сар зарладаг. Тэгвэл энэ оны гуравдугаар сарын 1-нээс тавдугаар сарын 31-нийг дуустал гурван сарын хугацаанд Чежү арлаар дамжин эх орондоо буцвал ивээл сард багтах боломжтойг дуулгаж байна. Чэжүгийн визгүй аяллаар болон Инчон, Бусан гэхчилэн бусад газрын хил гаалиар тус улсад нэвтэрсэн иргэд Чежүгээр дамжин нутгаа зоривол хар тамга дарахгүй байх шийдвэрийг БНСУ-ын Хуульзүйн яамнаас гаргажээ. Ингэхдээ тухайн иргэн сүүлийн гурван жилийн дотор тус улсад зорчсон байх учиртай юм. Харин гурван жилээс өмнө БНСУ-д очсон бол нэг жилийн хугацаатай хар тамга дарах юм байна. Ивээл сар зарлаагүй үед бол хар тамганы үйлчлэх хугацаа таван жил байдаг аж. 

 

Б.Цэлмэг
 

Манай сайт танд таалагдаж байвал LIKE хийгээрэй. Танд баярлалаа.
Санал болгох
Сэтгэгдлийг ачааллаж байна ...