“Харри Поттер” цувралын жүжиг дээд амжилт тогтоолоо

 

        Харри Поттер хар хүчийг дарсан цагаас хойш 19 жилийн дараах үйл явлыг өгүүлсэн “Харри Поттер ба хараагдсан хүү” жүжиг Лоуренс Оливьегийн нэрэмжит театрын шагналын 11 төрөлд нэр дэвшиж, дээд амжилт тогтоожээ. Энэхүү жүжиг нь “Шилдэг шинэ жүжиг”, “Шилдэг найруулагч”, “Шилдэг театрын зураач” зэрэг төрөлд нэр дэвшсэн байна. Жүжгийг тус цувралын зохиолч Ж.К.Роулинг болон жүжгийн зохиолч Жек Торн нар хамтран бичсэн аж.Лоуренс Оливьегийн нэрэмжит шагналыг 1976 оноос Лондоны театрын нийгэмлэг гардуулж эхэлсэн бөгөөд дэлхийн хамгийн нэр хүндтэй театрын шагналуудын нэг юм. Тус шагналыг гардуулах ёслол ирэх сарын 9-нд болох аж.“Харри Поттер ба хараагдсан хүү” жүжгийн гол агуулгыг цухас дурдвал, цувралын сүүлийн анги гол дүрийн баатрын дунд хүү Альбус Хогвартс шидтэний сургуульд элсэн орж буй талаар гарснаар төгсдөг билээ. Тэгвэл уг жүжигт Альбус сургуульд орсныхоо дараа Слизерин тэнхимд хуваарилагдаж, бүр Драко Малфойн хүүтэй сайн найз болсноор үйл явдал өрнөх аж.

 

М.Янжин

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. 

Сэтгэгдэл (0)