Виктория Райдос: Удмын хэлхээгээ таслахгүйн тулд ургийн бичгээ хөтлөөрэй

        ОХУ-ын алдарт зөн билэгч, “Зөн билгийн тулаан” реалити шоуны 16  дахь улирлын ялагч  “Оросын хар шулам” гэгддэг хар домын шидтэн, зөн билэгч Виктория Райдос манай улсад ирэхэд хоёрхон хоног үлдлээ. Тэр анхлан 2016 оны зургадугаар сард манай улсад айлчилсан нь өдгөө маш олон хүмүүсийн хүлээлтийг үүсгэсээр байна. Оросын зөн билэгчдийн ялагчид дотроос хамгийн хүчтэйд тооцогддог түүний лекц  гуравдугаар сарын 30-нд “Чингис” зочид буудалд 16:00 цагт болох болно.

 

 

Алдарт Виктория Райдос ирж буй 2017 оны гал тахиа жилийг хэрхэн өнгөрүүлэх талаар  дараах зөвлөгөөг өгсөн байна.
 

Виктория Райдос: Юуны өмнө 2017 он бүхэлдээ ололт, уналт ээлжилсэн жил болох бөгөөд та өөртөө таатайгаар өнгөрүүлье гэвэл доорхи зүйлүүдэд анхаарах хэрэгтэй болно. Таны удмын мэдээллийн санд их хэмжээний энерги цугларсан байдаг, хэрэгтэй үедээ түүнээс эрч хүчээ сэлбэж болно гэдгийг байнга санаарай. Өвөг дээдсээсээ тусламж хүсэн бодол сэтгэлдээ тэднээсээ гуйж өөрийн зүүд, зөн болон орчин тойрондоо болж буй үйл явдалд анхааралтай байх хэрэгтэй. Тэд бидний өдөр тутмын мэдээллийн сүлжээг (захиа бичих, утсаар ярих гэх мэт) ашиглаж чадахгүй тул орчин тойрноо маш сайн ажиглаарай.
 

Зөвхөн бэрхшээл тулгарсан үедээ бус азтай, сайн сайхан явахдаа тэднийг дурсаж баярлаж талархаж буйгаа хэлээрэй. Таны аз бол тэдний гавъяа юм шүү. Өвөг дээдэс, багш, туслах, найз нөхөд, хамаатан садандаа үгээр, үйлдлээр, бэлгээр талархлаа илэрхийлээрэй. Энэ бол өнгөрсөнд өгөх, ирээдүйдээ оруулж буй таны хувь нэмэр, үүрэг хариуцлага юм.
 

Нас барсан хүмүүс бидэнд харагдаж уулзахгүй ч гэлээ байнга бидний дэргэд байж амьдралд нөлөөлдөг тул тэднийг дурсах л ёстой. Удмын энэ хэлхээг таслахгүйн тулд өвөг дээдсийнхээ түүхийг сонирхон судалж, ургийн бичиг хөтлөх, хамаатан садантайгаа тэдний талаар ярилцах хэрэгтэй. Танд муу зүйл хийсэн, дургүй хүнээ ч гэсэн сайнаар заавал дурсаарай. Тодорхой сайн өдрүүдэд, төрсөн өдрөөр нь байнга сайнаар дурсаарай. Азтай үедээ баяр цэнгэлд цаг зарцуулах бус харин улам ихийг бүтээхийг эрмэлз.
 

Шинэ зүйл хийхдээ дотроо олонтаа эргэцүүлэн бодож айдасгүй урагшлах хэрэгтэй. Ажилдаа тусламж хүсэхийн тулд дуртай үнэтэй зүйлийг нь өглөг болгон тавьж лаа асаан бодлоо төвлөрүүлээрэй. Таны хүсэлтийг хүлээж авсан эсэх нь мэдрэгдэх бөгөөд лаа дүрэлзэх, бадамлах зэргээр илэрч болно. Үүний дараа өглөг болгосон зүйлээ хэрэгтэй хүнд нь юм уу, ядууст өгч буян болоорой.
 

 

Танд сайн сайхныг хүсэн ерөөе! Виктория Райдос

 Дэлгэрэнгүй мэдээлийг 99205231, 99207624, 77111163 дугаарын утсаар асууна уу.

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. 

Сэтгэгдэл (0)