”Эрдэнэс-Тавантолгой”-н үйл ажиллагаа хэвийн үргэлжилж байна

 

        БНХАУ-ын Чалко компанид төлөх 350 сая ам. долларын үлдэгдэл 30 хувийн төлбөрийг 100 % барагдуулсан тухай сайн мэдээг Эрдэнэс- Таван толгой ХК -ийн удирдлагууд нийт монголчуудад дуулгасан.

 

Шилжүүлэг хийсэн төлбөрийн даалгаврын баримтыг ерөнхий сайд Ж.Эрдэнэбатад гардуулсан ийм баяртай үйл явдал өнгөрсөн долоо хоногийн сүүлчээр өрнөсөн.

 

Нэгэнт Чалко компанитай өр ширний асуудал тэглэсэн тул нүүрс нийлүүлэлтийн шинэ нөхцөл бүрдсэн гэдгийг Эрдэнэс -Таван толгой ХК -ийн гүйцэтгэх захирал Д.Ариунболд сэтгүүлчдэд мэдээлэл хийх үедээ дурдсан.

 

Хоёр талын ажлын хэсэг бий болсон шинэ нөхцөл байдалтай уялдан гэрээнд нэмэлт өөрчлөлт оруулах тухай асуудлаар харилцан тохиролцох хэлэлцээний үе шат эхэлсэн байна.

 

Үүнтэй холбоотойгоор Цанхийн Зүүн уурхайн олборлолт, тээвэрлэлтийн ажил түр зогссон байдалтай байгаа юм байна. Хэдийгээр БНХАУ-ын Чалко компанийн өрийг 100 хувь барагдуулсан ч Цанхийн Зүүн уурхайгаас олборлох нүүрсний 80 хувийг Чалко компанид нийлүүлэх гэрээ хүчин төгөлдөр үйлчилж буй.

 

Түүнчлэн нүүрсний үнийг зах зээлийн үнэд ойртуулах ажлыг хоёр улсын Засгийн газраас томилогдсон ажлын хэсэг шийдвэрлэх юм байна. Харин Цанхийн баруун уурхайн нүүрсний олборлолт, тээвэрлэлтийн ажил хэвийн үргэлжилж буй тухай албаны эх сурвалж мэдээллээ.

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. 

Сэтгэгдэл (0)