Хүүхдүүдийн шүдний үзлэгийг үнэ төлбөргүй хийх уриалга гаргалаа

 

        Нийслэлийн эрүүл мэндийн газар, Нийгмийн эрүүл мэндийн хүрээлэнтэй хамтран хийсэн судалгаагаар “Улаанбаатар хотын хүүхэд, залуусын амны хөндийн өвчлөлийн судалгаа”-гаар 5-6 насны хүүхдийн шүд цоорлын тархалт 80,1 хувьтай гарчээ.

 

Мөн “Амны хөндийн эрүүл мэнд” үндэсний хөтөлбөрийн төгсгөлийн үнэлгээнд нийслэлийн хэмжээнд дээрхи насны хүүхдийн шүдний цоорлын тархалт 76.1 хувьтай байгаа нь тус өвчний эрт илрүүлэг, урьдчилан сэргийлэлт, эмчилгээ хангалтгүй байгааг харуулж байна. Нийслэлийн Засаг даргын 2016-2020 онд хэрэгжүүлэх үйл ажиллагааны мөрийн хөтөлбөрт тусгасан сургууль, цэцэрлэгийн хүүхдэд амны хөндийн эрүүл мэндийн боловсрол олгох, эрүүлжүүлэх арга хэмжээг үе шаттай зохион байгуулах асуудлыг тусган тодорхой ажлыг эхлүүлээд байгаа юм. Иймээс Нийслэлийн эрүүл мэндийн газар хувийн хэвшлийн шүдний эмнэлгүүдэд нийгмийн хариуцлагынхаа хүрээнд өөрийн харъяалах нутаг дэвсгэрийн сургуулийн нэгдүгээр анги, цэцэрлэгийн бэлтгэл ангид урьдчилан сэргийлэх үзлэг, оношилгоо, амны хөндийн эрүүл ахуйн зөвлөгөө өгөх ажлыг үнэ төлбөргүй зохион байгуулж, хамтран ажиллахыг уриалжээ.

 

 

С.Наран
 

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. 

Сэтгэгдэл (0)