Ангийн захирагч нарыг ажлаас нь чөлөөлжээ
- 2017-04-24
- Нийгэм
- 0
Ажлын хариуцлага алдсан гэх үндэслэлээр Зэвсэгт хүчний хоёр ч ангийн захирагч хурандаа нарыг ажлаас нь чөлөөлжээ. Хэдхэн хоногийн өмнө хээрийн сургуулилтын үеэр гранат дэлбэрч офицер, ахлагч хоёр амиа алдсан харамсалтай хэрэг гарсан. Энэ хэргийн мөрөөр хариуцлага тооцох тухай яриа дээд доод түвшинд эрчимтэй яригдаж байсан юм.
Хуульд зааснаар цэргийн мэргэжлийн дээд удирдлагыг ЗХЖШ хариуцах ёстой байдаг аж. Энэ дагуу дэслэгч генерал Д.Даваад “Цэргийн хоёр алба хаагч амь үрэгдсэн ноцтой хэрэгт шууд хамаарал бүхий ажил хариуцсан албан тушаалтнуудад холбогдох хуулийн дагуу хатуу хариуцлага тооцож, дөрөвдүгээр сарын 21-ний дотор илтгэх” үүрэг өгөөд байсан билээ. Тэр үүрэг биеллээ олж, өнгөрсөн баасан гарагт буруутай этгээдүүдэд арга хэмжээ авчээ. Баасан гарагт ЗХЖШ-ын даргын зөвлөл хуралдаж, Зэвсэгт хүчний 350 дугаар ангийн захирагч, хурандаа Д.Өлзийбаярыг үүрэгт ажлаас нь чөлөөлсөн байна.
Мөн өнгөрсөн өвөл хугацаат цэргийн алба хаагч хөлөө хөлдөөсөн хэргийг нуун дарагдуулсан Зэвсэгт хүчний 336 дугаар ангийн захирагч, хурандаа Б.Батнямыг чөлөөлж, түүний оронд ЗХЖШ-ын Хяналт-шинжилгээ, үнэлгээний газрын ахлах мэргэжилтэн, хурандаа Т.Лодойдамбыг томилжээ.
С.Наран
Сэтгэгдэл (1)
зоÑин (202.21.117.178)
ЦÑÑгийн ангиÑд доÑÑоо нÑÑн даÑагдÑÑлдаг Ð±Ð¾Ð»Ð¾Ñ Ð¾Ð¾Ñ Ð±Ð¸Ñ Ð¸Ñ Ð½Ð¾ÑÑой аÑÑÑдлÑÑд зөндөө байдаг Ñм байна лÑÑ.