Залуучуудын шигшээ баг Солонгос улсыг зорилоо
- 2017-07-05
- Спорт
- 0
Азийн 23 хүртэлх насны АШТ энэ сард болох юм. Саяхан лигийн легионеруудтай нөхөрсөг тоглолт хийж, 3:0-ээр буулган авсан залуучуудын шигшээ баг календарчилсан бэлтгэлийнхээ дараагийн арга хэмжээнүүдэд хамрагдах гэж байна. Тодруулбал манай 23 хүртэлх насны шигшээ баг өнөөдөр БНСУ-ыг зорьж байна.
Тэд Монголын Хөлбөмбөгийн Холбоо болон Солонгосын Хөлбөмбөгийн холбооны хамтын ажиллагааны хүрээнд “Мокпо” бэлтгэлийн баазад 12 хоног байршсан бэлтгэл хийх юм. Уг бэлтгэлийн үеэр БНСУ-ын 19 хүртэлх насны шигшээ баг болон БНСУ-ын мэргэжлийн хөлбөмбөгийн гуравдугаар лигийн багуудтай нөхөрсөг тоглолт хийх хуваарьтай аж.
Тэднийг хилийн чанадыг зорихоос нь өмнө МХБХ-ны ерөнхий нарийн бичгийн дарга Ө. Шижир, техникийн хэлтсийн захирал Ш. Жаргалсайхан нар хүлээн авч уулзаж, амжилт хүссэн ажээ.
Б.Батаа
Сэтгэгдэл (0)