Олон нийтийн сүлжээнд замын хөдөлгөөнд оролцож байсан жолооч ухаан алдсан гэх бичлэг цацагдсан. Энэ талаар цагдаагийн байгууллагаас шалгаж, ослыг шалгаж байгаа гэж мэдээллээ.

Тодруулбал, 2025 оны нэгдүгээр сарын 7-ны өдрийн 01.04 цагийн үед цагдаагийн байгууллагад Баянзүрх дүүргийн 26 дугаар хороо "Их Монгол" плазагийн урд замд " Тоyota SAI" маркийн тээврийн хэрэгсэл нь машин мөргөөд жолооч нь ухаангүй байна" гэх дуудлага мэдээллийг ирүүлжээ.

Дуудлагыг цагдаагийн алба хаагчид шалгахад 22 настай эрэгтэй Т нь тухайн тээврийн хэрэгсэлийг жолоодож байсан бөгөөд шалгахад тэг хувь буюу согтолт илрээгүй байна. Мөн мансууруулах, сэтгэцэд нөлөөт бодис хэрэглэсэн зүйл илрээгүй. Ослыг үргэлжлүүлэн шалгаж байна гэсэн юм.