“Google” компани энэ сарын 18-нд болсон технологийн уулзалтын үеэр “Allo” аппликейшнийг танилцуулжээ. Уг аппликейшн нь “Apple” компанийн сиритэй адил хиймэл оюун ухаантай гэнэ. Хүссэн асуултаа асууж, нийтийн яриандаа оруулж дуртай сэдвээрээ ярилцах боломжтой. Мөн үзвэрийн тасалбар болон зоогийн газарт захиалга өгөх гэх мэт үйлчилгээний өргөн цэстэй юм байна. Үүнээс гадна хэрэглэгчийн илгээсэн зураг, зурваст дүгнэлт хийж хариу өгөх боломжтой аж. Тодруулбал, найзаас тань ирсэн захидалд хэрхэн хариулахыг уг аппликейшн санал болгоно. Түүнчлэн хэрэв та ази хоолны зураг хэн нэгэнд илгээсэн бол хормын дотор ойролцоох зоогийн газрын мэдээллийг илгээх аж. Компани аппликейшний нууцлалд голчлон анхаарсан бөгөөд бүртгүүлэхэд цахим хаяг шаарддаггүй, хэрэглэгчийн хувийн мэдээллийг хадгалахгүй юм байна. Уг аппликейшний олон нийтэд танилцуулах өдөрлөгийг хийх хугацааг хараахан товлоогүй бөгөөд энэ зундаа багтан гаргах төлөвлөгөөтэй байгаа аж.

А.Заяа