Баянхонгор аймгийн автотээврийн төвийг ашиглалтад орууллаа

Баянхонгор аймгийн Автотээврийн төвийн барилгын ажил дуусч, зорчигчдын ая тухтай үйлчлүүлэх нөхцөл бололцоог бүрдүүлсэн шинэ төвийг ашиглалтад орууллаа. Нээлтийн үйл ажиллагаанд УИХ-ын дарга Г.Занданшатар, аймгийн Засаг дарга Г.Батжаргал, Автотээврийн үндэсний төв ТӨҮГ-ын захирал Б.Гүрсоронзон, Нийслэлийн Засаг даргын тамгын газрын дарга Э.Содномжамц нар оролцов.

Нийт 1 тэрбум гаруй төгрөгийн төсөвт өртөгтэй тус автотээврийн төвийг “Номгон оюу авто бирж” ХХК 5 сарын хугацаанд өөрийн хөрөнгөөр барьж гүйцэтгэсэн бол гаднах зам талбай, гэрэлтүүлэг, авто зогсоолыг орон нутгийн төсвийн хөрөнгөөр барьж байгуулсан юм.

Энэхүү төв нь баруун аймгуудын нийтийн болон том оврын тээврийн хэрэгслүүдэд авто оношлогоо хийх, тээврийн хэрэгслийг дулаан гражид байрлуулах, жолоочийн амралтын байр зэрэг стандарт нөхцлүүдийг цогцоор нь бүрдүүлснээрээ давуу талтай. Зорчигчдын тасалгаа, үйлчилгээ зэрэг нийт 15 өрөө тасалгаа бүхий тус төвөөр дамжуулан зөвхөн Баянхонгор аймгаар тогтохгүй баруун аймгуудын иргэд хөдөлмөрчид ая тухтай зорчих боломж ийнхүү бүрдэж байна.

 

 

 

 

 

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Утас: 70140187

Сэтгэгдэл (1)

  • zochin (139.5.219.47)

    2019-09-29

    Saihan haragdaj baina. Ta buhend ajiliin amjilt husie.