Энэ жил буудайн хангамж сайн байх тул дотоодын хэрэгцээгээ бүрэн хангана

Энэ намар манай улс 425 мяган тонн буудай хураах төлөвлөгөөтэй байгаагаас 330 мянган тонныг гурилын үйлдвэрүүдэд борлуулж, 51 мянган тонныг ирэх жилийн тариалалтын үрийн нөөцөд хадгалах юм.

Үлдэж буй багахан хэмжээний буудайг спирт болон тэжээлийн үйлдвэрт тушаах тооцооллыг салбарын яамнаас гаргаад байна. ХХААХҮЯ-ны Газар тариалангийн бодлого, хэрэгжилтийг зохицуулах газрын дарга Ц.Болорчулуун, “Энэ жил үрийн зориулалтаар борлуулах 14.9 мянган тонн буудайн хэмжээ гарч байна. Өнгөрсөн хавар тариалан эрхлэгч ААН-үүдэд ОХУ-аас 6 мянган тонн элит үр, 2 мянган тонн сортын үр, нийтдээ Тариалан эрхлэлтийг дэмжих сангаас 31 мянган тонн үрийн буудайн дэмжлэг үзүүлсэн. Энэ намар хурааж авах буудайнаас тэжээлийн үйлдвэрт 18.2 мянган тонн, спиртийн үйлдвэрүүдэд 11.2 мянган тонныг хуваарилна. Буудайн хангамж сайн байх тул дотоодын хэрэгцээгээ бүрэн хангана” гэж мэдэгдлээ.

 

  • Манай сайт таалагдсан бол лайк дараарай

Сонин хачин

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Утас: 70140187

Сэтгэгдэл (1)

  • зочин (64.119.21.40)

    2018-09-06

    Буудайнаас цаг агаараас болж чанар нь муу чийглэг байх төлөвтэй.