Эрүүгийн хуульд өөрчлөлт оруулах тухай хуулийн төслийг УИХ-ын гишүүн Ш.Раднаасэд санаачлаагүй байна гэсэн дүгнэлт гарчээ

Монгол Улсын Их Хурлын гишүүн Ш.Раднаасэдээс 2019.05.20-ны өдрийн 5443 тоот албан бичгээр Улсын Их Хурлын даргад хандан “…2017.05.18-ны өдөр баталсан Эрүүгийн хуульд өөрчлөлт оруулах тухай хуулийг хэн санаачлан хэлэлцүүлсэн болохыг…” хянуулах хүсэлт гаргасан юм.

Хүсэлтийн дагуу УИХ-ын Тамгын газрын Ерөнхий нарийн бичгийн даргын 2019 оны 331 дүгээр захирамж гарч, “Эрүүгийн хуульд өөрчлөлт оруулах тухай хуулийн хувийн хэргийг судлан үзэж, санал, дүгнэлт гаргах үүрэг бүхий” Ажлын хэсгийг байгуулан ажиллуулсан юм.

Тус Ажлын хэсэг дүгнэлтээ гаргаж, УИХ-ын гишүүн Ш.Раднаасэдэд хүргүүлсэн байна.

“Ажлын хэсгийн танилцуулга хүргүүлэх тухай” албан бичигт:

“Ажлын хэсэг 2017.05.18-ны өдөр баталсан Эрүүгийн хуульд өөрчлөлт оруулах тухай хуулийн хувийн хэрэг, бусад материалыг судалсны үр дүнд Эрүүгийн хуульд өөрчлөлт оруулах тухай энэхүү хуулийн төслийг Улсын Их Хурлын гишүүн Ш.Раднаасэд санаачлаагүй байна гэсэн Ажлын хэсгийн санал, дүгнэлтийг хүргүүлж байна” гэжээ.

Дүгнэлтэд нийт 63 хуудас баримт бичиг дагалдсан байна.

 

УИХ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. 

Сэтгэгдэл (2)

  • 1 (119.40.103.6)

    2019-07-19

    Юун хууль вэ. Зөвхөн хөөн хэлэлцэх хугацааг шүү дээ

  • (103.26.193.14)

    2019-07-15

    тэгвэл хэн ?????