Эверестийн оргилд гарах уулчдад шаардлага тавина

Эверестийн оргилд гарах хүсэлтэй хүмүүс урьд нь ууланд авирч байсан туршлагаа нотлох шаардлагатай болсон талаар Балбын Засгийн газрын Дээд комисс мэдээлжээ. Дээд комиссын зөвлөмжид дурдсанаар Эверестийн оргилд Балбын талаас гарах зөвшөөрөл хүсэгчдэд 6500 метрийн өндөрт авирсан туршлагатай байх шаардлага тавих аж.

Мөн ууланд авирагчид биеийн хүчний бэлтгэлийн гэрчилгээ авч, туршлагатай хөтөчийн хамт авирах ёстой юм байна. Эверестэд энэ оны тавдугаар сард 10 гаруй хүн сураггүй алга болжээ. Тэдний ес нь Эверестийн оргил руу  Балбын талаас, хоёр нь Төвөдийн талаас авирахыг оролдсон байна. Сонирхуулахад, Балбын Засгийн газар энэ улиралд хамгийн олон буюу 384 зөвшөөрлийг уулчдад олгожээ.

Б.Номуун

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Утас: 70140187

Сэтгэгдэл (0)