АНУ-ын Лос-Анжелес хотноо энэ сарын 1- 3-нд зохион байгуулсан "Лос-Анжелес-Опен" олон улсын нээлттэй тэмцээнээс манай шатарчид ганзага дүүрэн ирлээ. Энэхүү тэмцээнд эх орноо төлөөлөн Монголын шатрын холбооны Удирдах зөвлөлийн гишүүн Г.Даваахүү, С.Ган-Од нараар ахлуулсан 10 тамирчин оролцжээ. Манай тамирчид гурван алт, хоёр мөнгө, нэг хүрэл медаль хүртэж багийн дүнгээр тэргүүн байр эзэлсэн байна.

Мөн Турк улсын Корум хотноо зохион байгуулсан 16 хүртэлх насны шатарчдын Дэлхийн аварга шалгаруулах тэмцээн өчигдөр өндөрлөлөө. Тэмцээнд Монгол Улсаа төлөөлөн оролцсон баг тамирчид 48 орноос тавдугаар байрт шалгарчээ.

Х.Заяа