Дэлхийн усны нөөцийн группын дарга бөгөөд “Nestle” компанийн захирлуудын зөвлөлийн дарга Пол Балкег хүлээн авч уулзлаа

Монгол Улсын Ерөнхийлөгч Х.Баттулга өнөөдөр Швейцарын Холбооны Улсын Давос хотноо Дэлхийн усны нөөцийн группын дарга бөгөөд “Nestle” компанийн захирлуудын зөвлөлийн дарга Пол Балкег хүлээн авч уулзлаа.

Дэлхийн усны нөөцийн групп нь төр, хувийн хэвшил, иргэний нийгмийн байгууллагын түншлэл бөгөөд 2030 он гэхэд дэлхийн улс орнуудын усны эрэлт, нийлүүлэлтийг тэнцвэржүүлэх зорилготой ажилладаг юм.

Ноён Пол Балке Монгол Улс Усны тухай хуулийг баталсан явдалд баяр хүргэж, энэ хуулийг батлуулахад олон талаас нь дэмжиж, манлайлал үзүүлсэн Монгол Улсын Ерөнхийлөгч Х.Баттулгад гүн талархал илэрхийллээ.

Монгол Улсын Ерөнхийлөгч Х.Баттулга хууль батлагдсанаар олон яам агентлагт төвлөрдөг байсан усны асуудлыг ерөнхийлөн хариуцах Усны агентлагтай болсон гэдгийг тодотгосон бөгөөд энэ нь олон улсад жишиг болохуйц бодлогын өөрчлөлт болсон хэмээн ноён Пол Балке дүгнэсэн юм. Улмаар Дэлхийн усны нөөцийн групп энэ онд манай улс руу ажлын хэсэг илгээж хуулийн өөрчлөлт, үр дүнг судлах зэргээр хамтран ажиллахаар болов.

Уулзалтаар талууд уул уурхайд гадаргуйн ус ашиглах, саарал ус, цас, борооны усыг хуримтлуулан ашиглах асуудлаар санал солилцож, Монгол Улс дээрх асуудлын хүрээнд сүүлийн үеийн технологи нутагшуулах зорилготой байгаагаа хэллээ.

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Утас: 70140187

Сэтгэгдэл (0)