Д.Сарангэрэл: Иргэд олон нийт та бүхэн асуудалд тайван, айдасгүй хандахыг хүсэж байна

Амралтын өдөр хуралдсан Монгол Улсын Засгийн газрын ээлжит бус хуралдаанаар Коронавирусаас урьдчилан сэргийлэх арга хэмжээг хэрэгжүүлэх, эрүүл мэндийн тусламж үйлчилгээний бэлэн байдлыг хангах, шаардлагатай багаж хэрэгсэл, тоног төхөөрөмж, оношлуур, ариутгал, халдваргүйжүүлэлтийн  бодис, хэрэгсэл худалдан авах, илүү цагаар ажиллаж байгаа эмч, салбарын ажилтнуудын цалин хөлс, унаа машинд холбогдох зардлыг Засгийн газрын нөөц хөрөнгөөс гаргах шийдвэрийг гаргаад байгаа билээ.

Энэ үеэр Эрүүл мэндийн сайд Д.Сарангэрэл хэлэхдээ “Коронавирусийн тархалт, урьчилсан сэргийлэх арга хэмжээ, сэрэмжлүүлэгтэй холбоотой мэдээллийг баттай сурвалжаас буюу Эрүүл мэндийн яамнаас нэгдсэн нэг чиглэлээр өгч байх үүргийг Засгийн газрын хуралдаанаар шийдвэрлэсэн. Бид цөөхүүлээ, элдэв худал мэдээлэл сошиалаар тарааж, ард иргэдээ төөрөгдүүлмээргүй байна.

Тиймээс иргэд олон нийт та бүхэн асуудалд тайван, айдасгүй хандаж, ЭМЯ-аас өгөх мэдээлэлд анхаарлаа хандуулаарай гэж хүсэх байна. Бидний зүгээс өгч байгаа гол сэрэмжлүүлэг бол гараа сайтар савандаж угаах, амны маск зүүж хэвших, халдвар бүртгэгдсэн газруудад зорчихгүй байхыг мөрдөж ажиллаасай гэж хүсэх байна” гэлээ.

Иймд иргэд гараа тогтмол савандаж угаах, амны хаалт заавал зүүх, өвчлөл гарсан улсад зорчихгүй байх нь халдвараас сэргийлэх хамгийн энгийн арга гэдгийг Эрүүл мэндийн яам зөвлөж байна.

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Утас: 70140187

Сэтгэгдэл (4)

  • (202.9.46.25)

    2020-01-28

    ene huuhen yagaad eruul mendiin said bolchoo be. huwiin ambitsa bodoh bish uls oron ard tumnee bodood iim hund ued alban tushaalaasa tatgalzah heregteishuudee. mergjliin hun bsn bol ene ued arai iluu taktik barij ajillah bailaa.

  • (202.9.40.146)

    2020-01-27

    medeelel tentswergvi bna oilgomjgvi

  • (66.181.169.162)

    2020-01-27

    Амгалан тайван байцгаа. Асуудлыг лавлая. Ийм зүйл болсон нь харамсалтай

  • ЗочинИРГЭН (202.179.26.243)

    2020-01-27

    ХУЖАА НАР анхнаасаа НУУСАН бна Одоо та нар бас дагаад ТАЙВШРУУЛААД БАЙХ ШААРДЛАГАГҮЙ ШҮҮ !!!САРАНГЭРЭЛ АЖЛАА ӨГ !!!