ОХУ-д гадаадад сурах оюутнуудад нөхөн төлбөр олгодог “Даяаршсан боловсрол” нэртэй хөтөлбөрийг 2014 онд эхлүүлсэн. Тухайн үед хөтөлбөрийг Ерөнхийлөгч В.Путиний ажлын албанаас шүүмжилж байжээ. Харин одоо Оросын Боловсролын яамнаас хөтөлбөрт хамрагдах оюутны тоог хоёр дахин цөөлж, нэг оюутанд олгох нөхөн олговрын хэмжээг нэмэгдүүлэх тухай санал дэвшүүлсэн аж. Уг саналын хүрээнд нөхөн төлбөр авах оюутны тоо 1500 байсныг 750 болгож, тэтгэлгийн хэмжээг 1.38 сая байсныг 2.76 сая рубль болгох гэнэ. Боловсролын яамны уг санал Оросын төсвийн алдагдлыг бууруулах ажлын хүрээнд дэвшүүлсэн хийх өөрчлөлтийн нэг юм.