Германы Мюнхен хотноо Украины үндсэрхэг үзэлтнүүдийн удирдагч агсан Степан Бандерагийн булшийг гутаан доромжилжээ. Булшны чулуун хөшөөн дээр үл мэдэх этгээдүүд англиар“scum” (хог шаар) хэмээн бичсэн байна. С.Бандерагийн хүргэн Андрей Куцан энэ хэрэгт Орос улс холбоотой тухай“Эрх чөлөө” радио станцад өгсөн ярилцлагад өгүүлсэн аж. Энэ бол жил хүрэхгүй хугацаанд С.Бандерагийн булшийг гутаан доромжилсон гурав дахь тохиолдол гэнэ. Өнгөрсөн оны наймдугаар сард оршуулган дээрх загалмайг хугалж, булшийг нь ухсан байжээ. Энэ хэрэгтэй холбоотойгоор түүний төрөл төрөгсөд булшны ойр хавьд дохиолол суурилуулахаар төлөвлөжээ. С.Бандера тэргүүтэй Украины үндсэрхэг үзэлтнүүд фашистын Германы түрэмгийллийн үед нацистуудтай хамтран ажилллаж, эх орон нэгтнүүдээ болон польш, еврей иргэдийг бөөнөөр нь устгаж байсан түүхтэй. Харин Украины шинэ баригчид түүнийг үндэсний баатраа хэмээн тунхагласан нь Майданы хөдөлгөөнийг тууштай дэмжиж байсан Польшийн эрх баригчдыг хүртэл дургүйцэхэд хүрэж буй юм.