“Кока-Кола” ХХК нь 1928 оны Амстердамын Олимпийн их наадамд анх Олимпийн хороотой хамтран ажилласан бөгөөд түүнээс хойш албан ёсны байнгын түншээр ажилласаар байгаа билээ.

“Кока-Кола” ХХК нь 1928 оны Амстердамын Олимпийн их наадамд анх Олимпийн хороотой хамтран ажилласан бөгөөд түүнээс хойш албан ёсны байнгын түншээр ажилласаар байгаа билээ. Тус компани нь Монгол улсын гавъяат тамирчин Э. Бадар-Ууган, Х. Наранбаатар, О. Гүндэгмаа, Х. Цагаанбаатар нартай 2008 онд анх БНХАУ-ын Бээжин хотноо зохион байгуулагдсан Олимпийн 28-р Их наадамд Монгол улсаа төлөөлөн оролцож улсынхаа түүхэн дэхь их амжилт гаргахад нь “Алтын төлөө хамтдаа” хөтөлбөрийн хүрээнд хамтран ажиллаж санхүүгийн бодит тусламж үзүүлсэн байна.
Тус компани нь 2012 оны Лондонгийн Олимпийн наадамд эх орноо төлөөлөн оролцох дээрх нэр бүхий тамирчидаа дахин дэмжин ажиллахаар болж, тамирчин тус бүртэй хамтын ажиллагааны гэрээнд гарын үсэг зуран баталлаа.

Мөн нийт хэрэглэгчиддээ олон сюрприз барихаар бэлдэж буй бөгөөд уламжлал ёсоор Кока-Кола Олимпланд асрыг засаж тохижуулахаар бэлтгэл ажилдаа оржээ. Олимпийн наадмын торгон агшныг хамтдаа хуваалцах, эх орноо төлөөлж буй тамирчидаа хөгжөөн дэмжих зорилгоор энэхүү асараа засаж буйгаа М-Си-Эс компаний гүйцэтгэх захирал Л. Мягмаржав хэвлэлийн хурлын үеэр хэллээ.